Վանքային համալիր Սևանա լճի հյուսիս-արևմտյան ափին՝ Գեղարքունիքի մարզում։
Կառույցները գտնվում են նույնանուն Սևան թերակղզում, որն անցյալում եղել է փոքր կղզի։

Վանքը հիմնադրվել է 874 թվականին՝ Բագրատունիների թագավորական տոհմի Մարիամ արքայադստեր կողմից։
Վանքում ժամանակավորապես ապրել է Հայաստանի արքա Աշոտ Բ Երկաթը։
Վանքի պատերի մոտ նա կռվել է Սևանի ափ հասած արաբական զորքերի դեմ։

XVI–XVII դարերում վանքի պատերը ավերվել են, իսկ 1930 թվականին կղզուց հեռացել է վերջին վանականը։
Առ քյսօր վանքը գործում է՝ ներառյալ Վազգեն Ա-ի անվան հոգևոր սեմինարիան։

Հաղարծին` հայկական վանքային համալիր, գտնվում է Տավուշի մարզում, Դիլիջան քաղաքից 18 կմ հեռավորության վրա՝ Իջևանի լեռնաշղթայի անտառապատ հովտում։ Կառուցվել է 11-13-րդ դարերում։

Համալիրը բաղկացած է երեք եկեղեցուց, երկու գավթից, սեղանատնից և աղոթասրահներից։
Ամենահին եկեղեցին Սուրբ Գրիգորն է՝ կառուցված 11-րդ դարում։
Գլխավոր եկեղեցին՝ Սուրբ Աստվածածին, կառուցվել է 1281 թվականին։
Սուրբ Ստեփանոս եկեղեցին՝ կառուցված 1244 թվականին, կառուցվածքով նման է Աստվածածնի եկեղեցուն, բայց ավելի փոքր չափերով։

Վանքի տարածքում կա նաև սեղանատուն`
կառուցված 1248 թվականին։
Այստեղ գտնվել է Բագրատունիների թագավորական դամբարանը, որի տապանաքարերից պահպանվել են Սմբատ և Գագիկ թագավորների անունները։